Isang napakabuting pagbabago
Ang hindi mapigilang pagbubuntis ay ang dahilan ng pagdami ng mga pusa, maging alaga
man o gala, halos hindi na maagapan. Tuloy, palala nang palala ang problema ng pagpapakain
at pagbibigay ng wastong tirahan para sa kanila.
Ang pagkapon ay isang mabisang paraan sa pagpigil ng pagdami ng mga alagang hayop.
Ang pusa ay maaaring nang kapunin kapag umabot . na sa 6 na buwang gulang.
Ang spaying ay ang pagkapon sa babaing hayop. Tinatanggal ng beterenaryo ang obaryo
upang huwag nang mabuntis.
Ang neutering naman ay ang pagkapon sa lalaking hayop. Tinatanggal ng beterinaryo
ang bayag upang huwag nang makabuntis.
Magiging mas malusog at malambing ang inyong alagang pusa kapag ito ay nakapon. Mababawasan
din ang kanilang mga ugaling di kanais-nais, tulad ng:
Pakikipag-away
Paglalayas
Pagkamabangis
Pagkakalat ng regla
Pagmamarka ng teritoryo
Pag-iingay kapag sila ay nagnahanap ng talik
Bukod sa mga benepisyong ito, maiiwasan ang paglaganap ng rabis at iba pang mga sakit
na nakukuha ng hayop kapag ito ay nangangalkal ng basura sa kalye.
Ang lunas sa sobrang pagdami ng pusa, lalo na ang mga walang tirahan, ay dapat nang
isagawa ngayon. Huwag nang ipagpabukas ang pagpapakapon ng inyong mga pusa!
